明？明乜？明乜得架？

口語化D。 (D 都出埋喇)

真係... 明乜得架，有D 人 (即係我) 鐘意要玩深奧，要玩文字游戲，寫十幾篇隱喻，結果只換黎 comment: 好圓 (人地講既，係 ho circle/round)。即係 1D 都唔鬼明，都唔知我想講乜。傻仔黎既... 我話... 我都冇諗住你會明，故事寫出黎當故仔睇就好，要你明既就畫埋條腸出黎啦。D 故仔，要明既人自然明，我寫出黎做比喻，一句可以有幾個意思，我打中文慢呀，唔好要我打說明文。

又有D 人，鐘意用行動表達意思，唔滿意你呀，唔啋你囉，玩群起杯葛囉，唔會講畀當事人知乜事架喎。你唔明呀，蠢囉。玩下你啫，乜你唔玩得咩？唔係呀，咁小氣，唔 同你玩囉。覺得你做錯呀，星你一巴囉，你錯乜？你自己諗囉，諗唔到咩？你蠢囉。做乜唔出聲呀，你小氣呀？你要走？你唔明咋喎，又係你衰囉，咁都唔明？你仲唔知錯咩？返黎又唔認錯？唔理你囉，你講乜都冇人理架喇呢度。你要返黎就斟茶認錯，三跪九扣。唔做？你係度冇運行架喇，我係做話晒事，一聲令下唔會冇人理 你架喎，我鐘意安排D 野玩下你都係為你好咋喎，我前呼後擁都唔知幾多人同意一齊玩你，係你自己小氣唔玩得咋喎。

仲唔明？

仲有呀，唔好同人講呀，呻句都唔得呀。識係咁耐都唔同我講同D 外人講？仲要畀人放上網 tim？我嬲！拿，唔係妒忌，你要搞清楚。我係嬲，叫全世界既人唔啋你，你返黎丫，不過返黎要三跪九扣。仲要係咁多人面前讀悔過書。錯要認先乖家嘛！

唔明？

---

blog 主涉嫌今日痴左線... 又涉嫌係度煽風點火... 加上... 好似想撩交打... (一樣既係仍然好多錯字....)