「你老闆...」是個普通不過的稱謂，叫別人的上司，廣東話一句「你老 闆...」，簡單直接。瞇起雙眼，目光帶點輕浮的一句「你老闆...」是兩回事。不過，不要誤會老闆的苦心，可能你還未知到老闆心裏在想什麼呢。
--- 轉廣東話 tone ---
例句一：「你老闆想點呀，同一樣野洗唔洗星期五晚問完星期一又黎問一次。」
老闆可能好關心你呢，問多你幾句，千祈唔好話佢失憶，又或者冇心裝載。
例句二：「你老闆做乜 hang 機，停晒係度想點？」
老闆可能正在深思你講緊既野，你知，老闆海量心思，我地呢D 平凡小輩點可以同老闆比？老闆可能正將你既提議，連係美國大選之間既關係，進而計劃公司未來方向，為免影響你今年既 bonus，請畀少少耐性。
例句三：「你老闆洗唔洗問到我 XX 點做呢？佢知黎做乜喎，都話左下個禮拜畀佢囉。」
嘩，呢個千祈唔好誤會老闆唔信你！老闆點會唔信 你，野都畀左你做囉，老闆驚你唔識做呀。逐個逐個 step 問你係叫你諗多D 點做野，唔好口輕輕話畀佢知下個禮拜就做到，可能佢咁一問你會發覺要做到下個月呢！仲有，記住將要解釋畀老闆知呢件 task 放埋入 schedule。
例句四：「你老闆做乜問題好似設定問卷咁，我都未答完就問下個問題。」
你誤會喇，老闆轉數快喇，你未講完佢已經知道你想講乜啦。佢一早準備好要你答乜，當然就設定好問題喇，你一答頭佢就知後邊係乜。你唔夠佢咁快架喇，如果唔係你就係老闆唔係佢啦。
仲有好多你老闆... 有機會再寫，放工 . .;;
沒有留言:
發佈留言